Лукаку барча айбни жамоадошига тўнкади

“Челси”нинг энг қимматбаҳо ўйинчиси Ромелу Лукаку жамоасига кутилган фойдани келтира олмаяпти. Ёзда 97,5 миллион еврога харид қилинган ҳужумчи “аристократлар” сафида тўпурарлик қобилиятини кўрсатаётгани йўқ.

Мутахассисларнинг таъкидлашича, Ромелу бош мураббий Томас Тухель қўллаётган ўйин услубига тушмаяпти. Бельгиянинг ҳужумчининг ўзи жамоадошлари унга гол уриш учун вазият яратиб бермаётганидан норози. У Ҳаким Зиешга  жиддий эътироз билдирмоқда.

Ромелу марокашлик футболчи унга голли вазият яратиб, қулай тўп оширишини кутяпти. Тухель қўллаётган услубга асосланиб ўйнаётган Ҳаким бир ўйинчи учун эмас, балки олдинги чизиқдаги барча жамоадошларини аниқ пас билан таъминлашга ҳаракат қиляпти.

Лукаку “Челси” қўллаётган услубда четга чиқиб қоляпти ва жамоа олдинги чизиқда бир футболчисидан айрилгандек кўринмоқда.

Бельгиялик ҳужумчи “аристократлар” сафида жойини топа олмаганини ўзи ҳам ҳис қиляпти ва “Интер”га қайтиш йўлларини қидирмоқда.