Лукаку "Челси" раҳбарияти билан келишиб олди

Бельгиялик ҳужумчи Ромелу Лукаку "Челси"да ўйнамоқчи эмас. Журналист Жанлука Ди Марционинг хабарига кўра, футболчи "аристократлар" раҳбарияти билан мавсумни у ерда бошламаслиги ҳақида келишиб олган. Шу тариқа у бугун бошланадиган дастлабки йиғинни ўтказиб юборади.

Ҳар икки томон, айниқса Лукакунинг ўзи “Интер” билан келишувга эришишга ва имкон қадар тезроқ “Челси”нинг АҚШ бўйича мавсумолди турнеси бошланадиган 17 июлгача ўз масаласини узил-кесил ҳал қилишга бел боғлаган.

Милан клуби Лукаку учун 30-35 миллион евро таклиф қилишга ҳозирлик кўрмоқда ва футболчининг агенти билан қачон бу таклифни юбориш яхшироқ эканини муҳокама қилмоқда. “Интер”нинг биринчи таклифини (25 миллион евро) “Челси” раҳбарияти рад этган эди.