Лукаку фаолиятини якунлагач мураббий бўлмоқчи

"Наполи" ва Бельгия миллий терма жамоаси ҳужумчиси Ромелу Лукаку футболчилик фаолиятини якунлагандан сўнг нима билан шуғулланишни режалаштираётгани ҳақида сўзлади.

- Мураббий бўлиш ҳақида ўйлаяпман. Ушбу мавсумни якунлагач, махсус ўқишни бошлайман. Шундан сўнг нима хоҳлаётганимни аниқ белгилаб оламан, - дея ҳужумчининг сўзларини келтирди "Tribal Football" нашри.

31 ёшли ҳужумчининг Неапол клуби билан амалдаги шартномаси 2027 йилнинг ярмигача мўлжалланган. Лукаку жорий мавсумда Италия А Сериясида 27 та ўйинда иштирок этди. Ҳужумчи ўз ҳисобига ўнта гол ва саккизта голли узатмани ёздириб қўйди.