Лукаку “Интер”да қолмайди. Унга Испаниядан таклиф бор

Фаолиятини “Интер”да ижара асосида ўтказаётган Ромелу Лукакуни Италия клуби сотиб олишни режалаштирмаяпти. “Челси” ҳам футболчини орқага қайтаришни истамайди, дея хабар бермоқда “Calciomercatoweb” нашри. 29 ёшли футболчи ушбу мавсум “Интер” сафида 7 та ўйинда майдонга тушиб, 2 гол ва 1 та ассист амалга оширди.

Манбанинг таъкидлашича, бельгиялик ҳужумчини “Атлетико Мадрид” сотиб олиши мумкин. У Диего Симьоненинг тактикасига мос келади ва мураббийнинг ўзи ушбу трансферни хоҳлайди.

“Челси” эса бундан фойдаланиб қолмоқчи ва трансферга Жоау Фелишни қўшилишини истайди. Вингер Мадрид клубидан кетиши деярли аниқ бўлган ва у фаолиятини Англияда давом эттиришга яқин эканлиги ҳақда хабарлар мавжуд.