Лукаку Мбаппе қурбонига айланади
“Челси” билан узоқ муддатли шартномага эга бўлган Ромелу Лукаку ижара асосида “Интер”да ўйнаб юрибди.
“Аристократлар” бельгиялик ҳужумчини Италияда узоқ қолдирмоқчи эмас. “Челси” хўжайин Тодд Бёли тез орада Килиан Мбаппени трансфер қилишни истаяпти. ПСЖ ҳам франциялик қайсар ҳужумчининг кетишига тайёрланмоқда ва унга ўринбосар қидиряпти.
Маълумотларга қараганда, парижликлар Ромелу Лукакуни таклиф қилишни мўлжалламоқда. Бу “Челси”га қўл келади ва лондонликлар 29 ёшли тўпурарни Мбаппе трансферига қўшмоқчи.
ПАСЖ мўлжаллида бир неча ҳужумчи бор. Лекин парижликлар Лукакунинг катта тажрибасига ва уни олиш нисбатан арзон тушишига алоҳида эътибор қаратяпти.
Айни пайтда Ромелу Лукакунинг трансфер суммаси 50 миллион фунтни ташкил қиляпти. Қатарда бўладиган жаҳон чемпионати бельгиялик ҳужумчининг келажагига жиддий таъсир ўтказиши айтилмоқда.
Фикрлар