Лукаку: Менга тайинли илҳом бера оладиган мураббий керак эди

"Интер" форварди Ромелу Лукаку Милан дербисида "Милан" (2:0) клуби устидан қозонилган ғалабадан сўнг ўз фикрларини билдириб ўтди.

"Биз "Славия"ни мағлуб этганимиздан кейин, яхши кайфиятда эдик. Жамоамиз учун хурсандман. Конте билан муносабатларим жуда яхши. 26 ёшлимда айнан шундай мураббий керак эди. Йаъни мени тайинли илҳомлантирадиган ва туртки бериб тура оладиган мураббий. Мен у билан бир жамоада эканлигимдан мамнунман.

Скудетто? Бу ҳақида гапиришни истамайман. Чоршанба куни бизни "Лацио"га қарши яна бир қийин учрашув кутмоқда. Келинг, шу ҳақида ўйлаймиз," - деди Лукаку.

Эслатиб ўтамиз, бельгиялик ҳужумчи А Сериянинг 4 та баҳсида майдонга тушиб, 3 та гол урди.