Лукаку Туркия клубига ўтишга рози бўлди

«Наполи» ҳужумчиси Ромелу Лукаку ёзги трансферлар ойнасида Туркиянинг етакчи жамоаларидан бирига ўтишга розилик берди.

Инсайдер Маттео Моретто тарқатган маълумотга кўра, 33 ёшли форвард яқин кунлар ичида жамоасини алмаштириб, «Фенербахче» сафини тўлдириши кутилмоқда. Томонлар трансфер шартлари бўйича тўлиқ келишувга эришган. Хабарларга кўра, турк клуби Лукаку учун тахминан 6 миллион евро тўлашга тайёр. Аввалроқ матбуотда бельгиялик футболчига «Бешиктош» ва «Атланта Юнайтед» томонидан ҳам қизиқиш бўлаётгани ҳақида хабарлар тарқалган эди.

Эслатиб ўтамиз, ўтган мавсумда Ромелу Лукаку Италия чемпионатида «Наполи» сафида бор-йўғи бешта ўйин ўтказиб, бир бор рақиб дарвозасини ишғол этган.