Лукаку яқин вақтлар ичида «Фенербахче» футболчисига айланади

Ромелу Лукакунинг кейинги мавсумда қаерда ўйнашига оид саволга деярли аниқлик киритилди. 33 ёшли бельгиялик ҳужумчи «Фенербахче» билан келишувга яқин, дея хабар бермоқда инсайдер Маттео Моретто.

Манба маълумотларига кўра, «Наполи» ҳужумчиси Туркия чемпионатида фаолиятини давом эттиришга розилик берган. Томонлар ўзаро ҳамкорликнинг асосий шартларини келишиб олган, «Фенербахче» эса футболчининг трансфери учун италиялик клубга тахминан 6 миллион евро тўлашга тайёр.

Лукакуга қизиқиш билдирган клублар орасида аввалроқ яна бир турк гранди — «Бешикташ» номи ҳам тилга олинган эди. Шунингдек, бельгиялик форвардга даъвогарлар сифатида АҚШдан «Атланта Юнайтед» клуби ҳам қайд этилган.