Лукакудан тамоман воз кечишди

“Челси”нинг янги мураббийи Грэм Поттер ҳам келажакда бельгиялик ҳужумчи Ромелу Лукаку билан ишламоқчи эмас.

Аслида бельгиялик футболчи 2021 йилнинг ёзида аввалги бош мураббий Томас Тухель талаби билан олиб келинган эди. Лукаку “аристократлар” тарихидаги энг қиммат трансфер ҳисобланади. Лондонликлар уни олиш учун 97,5 миллион фунт сарфлаган.

Лукаку бир мавсум давомида ўзини кўрсата олмаганидан кейин, ўтган ёз “Иентер” уни ижара асосида ортга қайтарди.

Ромелу жаҳон чемпионатида ҳам ишончли ўйин намойиш этолмади. Хорватияга қарши баҳсда у бир неча қулай вазиятларни барбод қилди ва бельгияликлар мундиални тарк этди.

“Челси” тажрибали ҳужумчини бутунлай сотиб юбормоқчи. Лекин қимматбаҳо ҳужумчига харидор топиш осон бўлмайди.