Лукакуга жиддий харидор чиқди

“Ювентус” келаси мавсум олдидан таркибини кучайтиришга ҳаракат қилмоқда. Туринликлар ҳужум чизиғига Бельгия терма жамоаси форварди Ромел Лукакуни олиб келишни режалаштирган.

Ромелу Лукаку аслида “Челси”га тегишли. Бироқ мавсумни Италия чемпионатида “Интер” сафда ўтказди. Миланликлар 30 ёшли футболчини сотиб олиш ҳуқуқидан фойдалангани йўқ.

“Челси” бош мураббийи Маурисио Почеттино ўз жамоасига бошқа тўпурар қидирмоқда. Вазиятдан туринликлар фойдаланиб қолмоқчи.  

The Athletic нашрининг маълум қилишича, “аристократлар” тажрибали ҳужумчини 45 миллион евродан камига қўйиб юбормоқчи эмас. Бу сумма аксарият жамоаларга қимматлик қилмоқда.