Lukas Vaskes PSJga o‘tishi mumkin

PSJ klubi "Real" Madrid vingeri Lukas Vaskesni o‘z safiga qo‘shib olmoqchi. Bu haqda Mundo Deportivo nashri xabar tarqatmoqda.

Yuqoridagi manbaga ko‘ra parijliklar 28 yoshli ispaniyalik futbolchini “qirollik klubi”dan ketishga ko‘ndirishmoqchi. O‘z navbatida Vaskes ham “qirollik klubi”da yangi kelgan hujumkor yarim himoyachilar fonida o‘z o‘rnini yo‘qotishi ehtimoli mavjud va shu sababli ham boshqa jamoaga o‘tishga qaror qilishi ham mumkin.

“Real” rahbariyati esa Vaskesni 60 mln evroga sotishga tayyor.

Ma’lumot uchun, Vaskes o‘tgan mavsum “Real” safida jami 47ta o‘yinda maydonga tushdi va 5ta gol hamda 4ta golli uzatma yozdirib qo‘yishga erishdi.