Люпче Дориев: "Навбаҳор"га қарши ўйин биз учун ҳам, рақиб учун ҳам қийин бўлади"

Ўзбекистон Суперлигасига доим ҳам кучли ва сифатли легионерлар келавермайди. Клубларнинг "откад"га сифатсиз легионерлар олиб келишни канда қилмаслиги, мураббийларнинг скаутлик қобилияти ҳам йўқлиги баъзан панд бериб қўяди.

Бироқ Люпче Дориев сингари яхши савияли футболчилар ҳам чемпионатимизга қадам ранжида этиб туришади. Куни кеча "Сўғдиёна" клуби матбуот хизмати футболчи билан кичик интервью уюштирди. Қуйида сизга ана шу суҳбатни тақдим этамиз:

- Олдин ўйнаган чемпионатингиз яъни Шимолий Македония ва Ўзбекистон Суперлигаси ўртасидаги фарқ қандай?

- Македония ва Ўзбекистон лигаси ўртасида катта фарқ бор. Ўзбекистонда ўйнаш учун яхши стадионлар ва ажойиб майдонлар бор. Афсуски Македонияда деярли бундай шароит йўқ.

- Айни дамда Суперлига тўпурари бўлиб турибсиз. Айтингчи мавсум сўнгида ҳам шу ўринда бўламан деб ўйлайсизми?

- Ким ҳам тўпурар бўлишни хоҳламайди(кулади). Менимча, бу спорт тури билан шуғулланаётган ҳар бир футболчи ушбу совринни қўлга киритишни орзу қилади. Бироқ, мен учун кубок ва Суперлига каби жамоавий совринлар муҳимроқ.

- Ўзбекистон Суперлигасидаги легионерларнинг савияси ҳақида нималар дея оласиз?

- Бу ерда бир қанча сифатли хорижлик футболчилар бор. Аммо Ўзбекистон футболчилари ва хорижликлар ўртасида эса катта фарқ бўлмаса керак. 

- Ўзбекистон кубоги чорак финал доирасидаги "Навбаҳор"га қарши тайёргарлик қандай кетмоқда ?

- Ҳозирда жамоада ички муҳит жуда яхши. Биз биринчи навбатда албатта "Навбаҳор"га қарши кубок ўйинига тайёргарлик кўряпмиз. Биз учун ҳам, улар учун ҳам жуда оғир ўйин бўлади. Лекин мен ўз жамоамга ишонаман ва бу ўйинда ғалаба қозониш учун ҳамма нарсани қиламиз.

- Жамоа Суперлига ҳамда Ўзбекистон кубогида ҳам яхши натижаларга эришмоқда. Нима деб ўйлайсиз. Бу мавсум клуб чемпионликни тантана қила оладими ?

- Ҳозирча биз жуда яхши кетяпмиз. Лекин олдинда ҳали кўп ўйинлар бор. Умид қиламанки, мавсум охирида мухлисларимиз билан биргаликда кўплаб ютуқларни нишонлаймиз. Бунга эришиш учун бор кучимизни берамиз. Бу бизнинг доимги олий мақсадимиз - деб фикрларини якунлайди Люпче Дориев.