Мадрид суперклубида келишмовчилик бошланди. Бош мураббий кетади!

Қишки трансфер ойнасидан сўнг Мадриднинг “Атлетико” клуби бош мураббийи Диего Симеоне ва спорт директори Матеу Алемани ўртасидаги муносабатлар кескин  ёмонлашди.

Юз берган зидлҳдият Симеоне клуб билан 2027 йилнинг ярмигача амал қилувчи шартномага эгалигига қарамай, аргентиналик мутахассиснинг келажагига таъсир кўрсатиши мумкин.

Бу ҳақда Sport.es хабар бермоқда.

Манбага кўра, клуб спорт директори Матеу Алемани ёзда Симеоненинг ўрнини эгаллайдиган бошқа мураббий топиш учун ҳаракатларни бошлаб юборди.

Экспертларнинг таъкидлашича, Симеоненинг кетиши фақат Алемани билан зиддиятга борганига боғлиқ эмас. Раҳбарият жамоа натижаларидан қониқмаётгани ҳам ўзгаришга қўл уришда асосий сабаблардан бўлади.

Мадридликлар жамоани бошқариш учун Андони Ираолани асосий номзод сифатида белгилади. Бироқ испаниялик мутахассиснинг “Борнмут”дан кетиш нияти йўқ.

Симеоне 2011 йилнинг декабридан бери “Атлетико”ни бошқариб келмоқда. Унинг қўл остида клуб икки марта Испания чемпиони бўлган ва Европа Лигаси ғолиби бўлган.