Магда Линетт бош совринни кўзламоқда

АҚШнинг Нью-Йорк шаҳрида аёллар ўртасида ўтказилаётган "NYJTL Bronx Open" халқаро турнирида учинчи давра баҳслари давом этмоқда.

Мусобақанинг мазкур босқичида Магда Линетт (Польша) ва Александра Соснович (Беларусь) ўзаро тўқнаш келди. Магданинг устунлигида ўтган ўйин 6:1, 6:4 ҳисобида якунланди.

Энди М.Линетт чорак финал учрашувида чехиялик Каролина Мухова ҳамда америкалик Кристи Ан ўртасидаги учрашув ғолибига қарши кортга чиқади.