Magdalena Ribarikova g‘alabasi uchun 2 yarim soat etarli bo‘ldi

Slovakiyalik tennischia Magdalena Ribarikova Monterrey shahrida o‘tayotgan xalqaro turnirning chorak finaliga yo‘l oldi.

U mazkur bosqichga chiqish uchun shveytsariyalik Shtefani Fogele bilan raqobatlashdi. Uch set davom etgan o‘yin 5:7, 6:2, 6:3 hisobida  Magdalena foydasiga hal bo‘ldi.

Shu tariqa "Abierto GNP Seguros" musobaqasida Ribarikova yarim final uchun o‘tadigan o‘yinda amerikalik Sachiya Vikeriga qarshi raketka ko‘taradi.