Мағлубият қимматга тушди. ПСЖ Галтье ўрнига эски мураббийни олиб келади

ПСЖ хўжайини Нассер Ал-Хелаифий Европа Чемпионлар лигаси нимчорак финалида “Бавария”дан учралган мағлубиятдан сўнг, жамоа бош мураббийи Кристоф Галтье хизматидан воз кечишни ўйламоқда.

Relevo нашрининг маълум қилишича, клуб президентига жамоанинг “Бавария”га қарши ўтказган иккала учрашуви ҳам умуман ёқмаган. Айниқса, Ал-Хелаифий футболчилари иккита ўйинда мюнхенликлар дарвозасига умуман йўл топа олмаганини оғир оляпти.

Шунингдек, ўйинчиларнинг курашувчанлиги ва мураббийларнинг тактик ечимлари ҳам раҳбариятнинг жиддий эътирозларига сабаб бўлмоқда. Шу билан бирга миллий чемпионатдаги муваффақиятлар инобатга олинмаяпти.

Манбанинг таъкидлашича, клуб хўжайини аввалги мураббий Томас Тухелни олиб келмоқчи. Германиялик мутахассис сентябрь ойида “Челси”дан истеъфога чиқарилганидан бери ишсиз юрибди.