Магнус Карлсен — тўққиз карра блиц бўйича жаҳон чемпиони!

Магнус Карлсен 2025 йил блиц бўйича жаҳон чемпионатида ғалаба қозониб, ушбу йўналишда тўққизинчи бор жаҳон чемпиони унвонини қўлга киритди.

Унинг умумий жаҳон чемпионликлари сони 20 тага етди: 5 таси классик шахматда, 6 таси рапидда ва 9 таси блицда. Шунингдек, бу Карлсен учун жаҳон чемпионатларида бешинчи бор "қўш олтин" натижаси бўлиб, бундай ютуқ аввал ҳеч кимга насиб этмаган эди.

Нодирбек Абдусатторов эса 2021 йил рапид бўйича жаҳон чемпиони бўлганидан кейин, 2025 йил блиц мусобақасида жаҳон вице-чемпиони унвонини қўлга киритди.

Бибисара Асаубаева учун мазкур муваффақият сўнгги тўрт йил ичида блиц бўйича учинчи жаҳон чемпионлиги бўлди. Рапид мусобақасида олтин медални қўлга киритган Александра Горячкина эса фаолиятида илк бор жаҳон чемпиони унвонига эга чиқди.