Магуайр “Манчестер Юнайтед”нинг асосий мақсади нима эканлигини айтди

"Манчестер Юнайтед" марказий ҳимоячиси Харри Магуайр янги мавсум олдидан ўз фикрлари билан ўртоқлашди. “Қизил иблислар” сардори манкунианликларнинг асосий мақсади ҳақида гапирди.

“Юнайтед”нинг асосий мақсади — совринларни ютиш. Аммо бунга эришиш учун биз кўплаб ишларни амалга оширишимиз керак. Ўтган мавсумдаги натижа клубга ярашмайди. Шу боис, бу йил мухлисларимизни хурсанд қилмоқчимиз”, - дея Магуайрнинг сўзларини келтиради “Sky Sports” нашри.

Эслатиб ўтамиз, Англия чемпионатининг сўнгги мавсумида "қизил иблислар" олтинчи ўринни эгаллаб, Чемпионлар лигасига чиқа олмаганди.

Премьер лиганинг биринчи турида Эрик тен Хаг шогирдлари ўз майдонида "Брайтон" билан учрашади. Ўйин бугун,7 август куни "Олд Траффорд"да бўлиб ўтади.