Маҳмуд Мурадов кечаги мағлубиятидан сўнг "Инстаграм"да пост қолдирди

UFC 280 турнири доирасида Кайо Борральога қарши октагонга кўтарилиб, ҳакамларнинг баҳсли қарори эвазига мағлубиятга учраган Маҳмуд Мурадов "Инстаграм"даги саҳифасида пост қолдирди:

"Ассалому алайкум, ҳаммага! Баъзида биз хоҳлагандек бўлмайди. Демак, кеча менинг куним эмасди.

Мен жангга тайёр эдим, ўзимни яхши ҳис қилдим, лекин жангда нимадир нотўғри кетди. Бу - спорт. Рақибимни чин дилдан табриклайман.

Алҳамдулиллаҳ, жанг жароҳатсиз ўтди, яқин кунларда машғулотларга қайтаман.

Мени қўллаб-қувватлаш учун келган барчага миннатдорчилик билдираман, сизларни эшитдим, ҳис қилдим. Умидингизни оқлолмаганимдан афсусдаман.

Телевизор орқали кузатган ва мени дуо қилган барчага катта раҳмат. Бу бошланиши, Ин Ша Аллоҳ ҳаммаси олдинда!"