МакГрегор:"Бу жанг UFC тарихидаги энг яхшиси эди"

Икки вазн тоифасида собиқ UFC чемпиони Конор Макгрегор Instagram да янги пост жойлаштирди ва унда Нэйт Диас билан иккинчи жанги ташкилот тарихидаги энг яхши жанг бўлганлигини билдирди.

"Бу жанг UFC тарихидаги энг яхшиси бўлган", - деб Конор ушбу қарама-қаршиликдан видеолавҳа жойлади.

Эслатиб ўтамиз, МакГрегор ва Диас октагонда икки марта тўқнаш келишган. 2016 йил март ойида америкалик иккинчи раундда ғалаба қозониб, ММА оламини ҳайратда қолдирди, беш ой ўтгач эса жангчилар реванш жангини ўтказди ва унда ирландиялик ҳакамларнинг якдил қарори билан рақибидан устун келган эди.