"Манчестер Сити" афсонаси жамоадан кетишини эълон қилди

"Манчестер Сити" клуби ярим ҳимоячиси Давид Сильва жорий мавсум якунлангач, жамоадан кетишини маълум қилди.

“Мен “Манчестер Сити”да 10 йил ўйнадим ва хоҳлаган барча нарсаларимга эришдим. Менинг клубдаги даврим якунланиб бормоқда. Бу жамоа ҳамиша менинг хотирамда қолади. Биринчи кунлардан бошлаб, клубда ҳамма менга илиқ фикр билдирди. Энди мен ва оиламга янги чақирув керак”, - дейди 34 ёшли испаниялик футболчи.

Сильва “Манчестер Сити” сафида 2010 йилдан буён тўп суриб келмоқда. У ўтган давр мобайнида 424 та ўйинда майдонга тушди ва ўз ҳисобига 74 та гол ҳамда 137 та голли узатма ёздириб қўйишга эришди.