"Манчестер Сити" аргентиналик ҳужумчини сотиб олмоқчи

"Манчестер Сити" ўз таркибини ҳужумчи билан кучайтирмоқчи.

ESPN нашри тарқатган хабарга кўра, манчестерликлар "Ривер Плейт" форварди Хулиан Альваресни сотиб олишни ният қилган. "Шаҳарликлар" 21 ёшли футболчи учун 20 миллион евро тўлашга тайёр.

Аргентиналик футболчи учун курашда "Милан" ҳам иштирок этмоқда. Аммо Манчестер клуби Альваресни сотиб олиши нисбатан ҳақиқатга яқин деб ҳисобланмоқда. Томонлар келишувга эриша олса бўлгани.

Аввалроқ, "Сити" бош мураббийи Пеп Гвардиола ўз жамоасида Дортмунднинг "Боруссия" клуби ҳужумчиси Эрлинг Холандни кўрмоқчи эканлиги ҳақида хабарлар тарқалганди.