"Манчестер Сити" "Барселона"нинг собиқ ярим ҳимоячисига қизиқиш билдирмоқда

"Манчестер Сити" ушбу қишда битта таянч ярим ҳимоячи билан шартнома имзолашга ҳаракат қилиши кутилаётганди. "Шаҳарликлар" танлов қилганга ўхшамоқда.

Фабрицио Романо хабар беришича, "Порту" футболчиси Нико Гонсалес клуб радарига тушган. Томонлар ўртасида музокаралар ҳам бошланиб кетган. Аммо Португалия клуби 22 ёшли испанни сотиш нияти йўқ. Никонинг эса 60 миллион евролик товон пули мавжуд. 

Гонсалес "Барса" академиясида таҳсил олган бўлиб, 2021 йили асосий жамоага ўтади, бир йилдан сўнг эса "Валенсия"га ижарага берилади. 2023 йилда "Порту" уни сотиб олади ва 2028 йилгача амал қиладиган шартнома имзолайди. 

Нико айни пайтда жуда зўр спорт формасида. У клуби сафида ушбу мавсум 29 та ўйин майдонга тушиб, 7 та гол уришга муваффақ бўлди. Шу билан бирга, шерикларига 6 та голли пас берган.