"Манчестер Сити" Давид Сильвага ҳайкал ўрнатади

“Манчестер Сити”нинг афсонавий ярим ҳимоячиси Давид Сильва шарафига ҳайкал ўрнатилади.

“Шаҳарликлар” директорлар кенгаши раиси Халдон ал Муборакнинг сўзларига кўра, бўлажак ҳайкал жамоанинг уй аренаси ҳисобланган «Этихад Стэдиум»да жойлаштирилади. Бундан ташқари, “Сити”нинг машғулотлар базасида испаниялик футболчининг сурати акс этган махсус мозаика пайдо бўлади.

34 ёшли Давид Сильва “Манчестер Сити”га 2010 йил “Валенсия”дан кўчиб ўтган эди. Шундан буён у 10 йил давомида ушбу жамоа муносиб шарафини ҳимоя қилиб келди.