"Манчестер Сити" етакчиси: "Арсенал" ҳозир худди биздек ўйнаяпти

"Манчестер Сити" ярим ҳимоячиси Фил Фоден чемпионлик учун курашда "Арсенал" билан бўладиган рақобат ҳақида гапирди.

Эслатиб ўтамиз, Микель Артета бошчилигидаги “канонирлар” 44 очко билан турнир жадвалида пешқадамлик қилмоқда ва улар иккинчи ўриндаги “Манчестер Сити”дан 5 очко кўп жамғарган.

“Биз Артетанинг қанчалик яхши эканини, у билан “Манчестер Сити”да ишлаганимиздан жуда яхши биламиз. Энди "Арсенал" барча жиҳатларда кучли кўринмоқда, бу ажабланарли эмас. Бу премьер-лига ва бу ерда рақобат жуда кучли.

Биз биринчи ўринга чиқиб, яна чемпионликни қўлга киритмоқчимиз – бу биз учун катта синов. Микель ўз ғояларини "Арсенал"га сингдирди. Ҳозир “Арсенал” худди биз каби ўйнайди ва бу жуда зўр кўринади", - деди Фоден клуб расмий сайтига берган интервьюсида.