"Manchester Siti" etakchisi bilan yangi shartnoma borasida kelishib oldi

"Manchester Siti" yarim himoyachisi Fil Foden yangi shartnoma imzolamoqchi.

“Shaharliklar”ning 22 yoshli tarbiyalanuvchisi klub rahbariyati bilan kelishuvga erishgan. Shartnoma uzaytirilgandan so‘ng, Foden bonuslarni hisobga olgan holda haftasiga 280 ming evrodan ko‘proq maosh oladi. Bu amaldagi bitimdan ikki baravar ko‘p, deya xabar berdi jurnalist Jeyms Daker. Yosh yarim himoyachining amaldagi shartnomasi 2024 yilda yakuniga etadi. Yangi bitim esa 2028 yilning yoziga qadar mo‘ljallangan.

Joriy mavsumda “Manchester Siti” safida barcha turnirlarda o‘nta o‘yin o‘tkazgan Fil Foden 3 ta gol urdi hamda ikkita golli uzatmani amalga oshirdi.