“Манчестер Сити” етакчисига янги шартнома таклиф қилмоқчи

"Манчестер Сити" ярим ҳимоячиси Фил Фоден билан ҳамкорликни узайтирмоқчи, деб хабар беради “Daily Star” нашри.

22 ёшли футболчининг "шаҳарликлар" билан янги шартномаси 2028 йилнинг ёзига қадар амал қилади. Шартноманинг молиявий шартларига кўра, Фоденнинг маоши йилига 11,3 миллион еврони ташкил қилади.

Фил “Манчестер Сити” академиясини тарбияланувчиси ҳисобланади. У 2017 йилдан бери асосий жамоа шарафини ҳимоя қилиб келади.

Ўтган мавсумда ярим ҳимоячи “Сити”нинг барча мусобақалар доирасидаги 45 ўйинда иштирок этиб, 14 гол ва 11 голли узатма муаллифига айланган.