"Манчестер Сити" футболчиси ЕЧЛ чорак финалида Роналдуга қарши ўйнамоқчи

"Манчестер Сити" клуби ярим ҳимоячиси Бернарду Силва Чемпионлар лигаси чорак финалида қайси жамоа билан ўйнашни хоҳлашини айтди.

“Тўғрисини айтсам, Криштиану Роналду билан тўқнаш келишни жудая хоҳлардим. Мен уни биламан, нималарга қодир эканлигини ҳам биламан. У “Атлетико”га қарши ўйинда буни исботлади.

Бундай мусобақаларда бундай футболчилар ва бундай жамоаларга қарши ўйнаш яхши. Бу сиз энг зўр турнирда ўйнаётганингиздан далолат беради. Лекин, Криштиануга қарши ўйнаш ҳар доим қийин бўлган”, - дейди португалиялик футболчи.

Эслатиб ўтамиз, Чемпионлар лигаси чорак финал босқичига эртага, 15 март куни қуръа ташланади.