“Манчестер Сити” Гвардиола орзусидаги катта трансферни якунлаяпти

“Манчестер Сити” мутасаддилари “Борнмут” ҳужумкор футболчиси Антуан Семеньо трансферини тезроқ ҳал қилиш учун бор имкониятларини ишга солди.

“Шаҳарликлар” ганалик футболчи билан шартнома имзолашга жуда яқин турибди. Бу ҳақда таниқли журналист Фабрицио Романо маълум қилди.

Манбанинг таъкидлашича, Семеньонинг ўзи ҳам “Манчестер Сити”га ўтишни устувор мақсад, деб ҳисоблайди. Шунингдек, аввалроқ маҳоратли ҳужумчига даъвогарлик қилган “Ливерпуль”, “Тоттенхэм” ва “Челси” бу трансфер учун курашдан чиққанини билдирган эди.

Семеньо 2023 йилнинг ёзидан бери “Борнмут” шарафини ҳимоя қилиб келади. Шу вақт ичида у 106 ўйинда 30 та гол ва 13 та ассист қайд этган. Футболчининг амалдаги шартномаси 2030 йилгача ва унинг бозор қиймати 65 миллион еврога баҳоланмоқда.