"Manchester Siti" o‘zining transfer rekordini yangilashi mumkin

"Manchester Siti" klubi o‘z tarixidagi eng qimmat transferni amalga oshirishi mumkin. AS nashri tarqatgan xabarga ko‘ra “shaharliklar”ning ushbu tarixiy rekordini "Benfika" vingeri Joau Felish qayd etishi mumkin.

Gap shundaki, “Siti” 19 yoshli portugaliyalik futbolchini uning shartnomasida ko‘rsatilgan 120 mln evro tovon puli evaziga sotib olishga tayyor. Uning o‘ziga esa yiliga 5 mln evro maosh va’da qilmoqda.

Eslatib o‘tamiz, “Manchester Siti” Felish uchun kurashda "Manchester Yunayted" va "Real" Madrid klublari bilan raqobat qilishiga to‘g‘ri keladi.