"Манчестер Сити" ПСВга сотган футболчисини бир йилдан сўнг 2 баробардан ҳам қимматроққа қайтариб олди

"Манчестер Сити" клуби ПСВ ҳимоячиси Хосе Анхелиньонинг трансферини сотиб олди. Бу ҳақда клуб расмий сайти хабар тарқатмоқда.

Таъкидлаш керакки, эйндховенликлар 22 ёшли футболчини бундан бир йил муқаддам 5,5 млн евро эвазига айнан “шаҳарликлар”дан сотиб олишган эди. Орадан бир йил ўтиб эса “Сити” уни 12 млн еврога қайта сотиб олди.

Маълумот учун, Анхелиньо ўтган мавсум Голландия чемпионатида жами 34та ўйинда майдонга тушди ва 1та гол ҳамда 9та голли узатмага муаллифлик қилишга эришди.