“Манчестер Сити” ва яна бешта Европа гранди “Ривер Плейт” ҳимоячисини кўзлашяпти

"Ривер Плейт" марказий ҳимоячиси Лаутаро Риверо Европа клубига ўтиши мумкин.

El Crack Deportivo хабарига кўра, 22 ёшли аргентиналик футболчини Мадриднинг "Атлетико", "Манчестер Сити", "Манчестер Юнайтед", "Тоттенхэм", "Ювентус" ва "Страсбург" клублари фаол кузатиб бормоқда. Таъкидланишича, Риверонинг шартномасида унинг товон пули 100 миллион евро этиб белгиланган. 

Жорий календарь йилида Риверо Аргентина чемпионатида иккита ўйинда майдонга тушди ва гол уролмади. Риверонинг "Ривер Плейт" билан меҳнат шартномаси 2028 йил охиригача мўлжалланган. 

"Transfermarkt" экспертлари ҳимоячининг нархини етти миллион деб баҳоламоқда.