"Манчестер Сити" яқин 48 соат ичида янги трансферни эълон қилиши мумкин

"Манчестер Сити" вингер Антуан Семеньони тез орада ўз сафига қўшиб олиши мумкин. Журналист Бен Жейкобснинг хабар беришича, шартнома бўйича музокаралар якунлангандан сўнг "Борнмут" трансфер расман кейинги 48 соат ичида амалга ошишини кутмоқда.

25 ёшли футболчи "шаҳарликлар" билан шахсий шартнома шартларини аллақачон келишиб олган. "Борнмут" эса Семеньо эртага "Челси"га қарши ўйинда майдонга тушишига умид қилмоқда. Кутилмоқдаки, бу учрашув унинг жорий жамоаси сафидаги сўнгги ўйини бўлади.

Жорий мавсумда АПЛда Антуан 17 та ўйин ўтказиб, 9 та гол урди ва 3 та голли узатмани амалга оширди.