"Манчестер Сити" ёш ҳимоячисини ижарага бермайдиган бўлди

19 ёшли бразилиялик ҳимоячи Витор Рейс келаси мавсумни қаерда ўтказиши маълум бўлди.

Журналист Валентин Фурланнинг хабарига кўра, "Манчестер Сити" ёзги трансфер ойнасида Рейсни ижарага беришни режалаштирмаяпти. Гарчи Германия, Испания ва Англиянинг етакчи клублари футболчига қизиқиш билдираётган бўлса-да, "шаҳарликлар" бош мураббийи Хосеп Гвардиола Рейсни келаси мавсумдаги режаларининг бир қисми сифатида кўрмоқда.

Рейс 2025 йилнинг январида Бразилиянинг "Палмейрас" клубидан "Манчестер Сити" сафига қўшилган эди. Бу вақт ичида у 4 та ўйинда майдонга тушди. Ҳимоячи гол ёки ассист қайд эта олмади.

Унинг трансфери Англия грандига 37 миллион еврога тушган.