“Манчестер Сити” юлдузи Мессининг олдига боради

Жорий мавсум якунланиши билан “Манчестер Сити”ни тарк этишини расман эълон қилган Кевин де Брюйненинг келаси фаолияти МЛСда давом этиши тобора ойдинлашиб бормоқда.

ESPN журналистларининг маълум қилишича, Лионель Месси ўйнаётган “Интер Майами” клуби бельгиялик плеймейкерга жиддий қизиқиш билдирмоқда ва бу трансфер учун айнан мана шу жамоа имтиёзга эга.

МЛС қоидасига кўра, ҳар бир клуб мавсумнинг исталган қисмида ўзининг махсус “очиқ рўйхати”га беш нафаргача футболчи номини киритиш мумкин. Бу усул клубларга номи кўрсатилган футболчилар билан биринчи бўлиб музокара бошлашда имтиёз беради.

33 ёшли машҳур ўйинчига МЛСнинг бир неча клубларидан ташқари Саудия Арабистонидан жиддий чорловлар бўляпти. Аксарият манбалар Кевин фаолиятини уммонортида давом эттиришга мойиллик билдираётганини ёзмоқда.