“Манчестер Сити” юлдузига бадавлат клубдан расмий таклиф келди

“Манчестер Сити”нинг 24 ёшли ҳужумчиси Хулиан Альварес янги мавсумни қаерда бошлаши мавҳум бўлиб турибди.

Аргентиналик жаҳон чемпиони Хосеп Гвардиола жамоасидаги мавқеидан норози. У бошқа жамоага ўтиб, асосий ҳужумчи вазифасини бажармоқчи.

Бу вазиятдан ПСЖ фойдаланиб қолишни режалаштирган. Парижликлар “шаҳарликлар”га Хулиан Альварес трансфери бўйича расмий таклиф юборди. Бу ҳақда TyC Sports нашри маълумот чиқарди.

Альваресни Мадриднинг иккинчи гранди “Атлетико” ҳам ўз сафига қўшиб олмоқчи. Диего Симеоне ўз ҳамюрти ёрдамида жамоасининг ҳужум чизиғидаги муаммоларни узоқ муддатга ҳал этишни мўлжаллаган.

“Манчестер Сити”да асосий тўпурар Эрлинг Холанд соясида қолиб кетаётган Альвареснинг клуб билан шартномаси 2028 йилнинг ёзигача тузилган. Унинг трансфери 90 миллион евро атрофида баҳоланмоқда.