“Манчестер Сити”ни таслим қиладигани топилмади

“Манчестер Сити” 2023 йил давомида ўз майдонида ўтказилган учрашувларнинг бирортасида рақибга имконият бермади.

Хосеп Гвардиола шогирдлари ўзлари иштирок этган барча турнирларда “Этиҳад Стэдиум”даги барча учрашувларда ижобий натижа қайд этган.

“Манчестер Сити” йил давомида атиги тўққиз маротаба мағлубият аламини тотиб кўрди. Бироқ бу мағлубиятларнинг барчаси рақиб майдонидаги учрашувларда юз берган.

“Шаҳарликлар” 2023 йилни Англия чемпиони, мамлакат кубоги ғолиби, Европа Чемпионлар лигаси ва УЕФА Суперкубоги эгаси, клублар ўртасидаги жаҳон чемпиони сифатида якунлади.