"Manchester Siti"ning taqdiriga qachon oydinlik kiritilishi ma’lum bo‘ldi

Xalqaro sport arbitraj sudi (CAS) "Manchester Siti"ning UEFA qarori ustidan bergan apellyatsiyasini qachon ko‘rib chiqishini ma’lum qildi.

Ushbu ish 8, 9, 10 iyun kunlari Shveytsariyada ko‘rib chiqiladi.

Aytish kerakki, UEFA moliyaviy feyr-pleyga amal qilmagani uchun “Siti”ni naqd 2 mavsumga evrokuboklardan chetlatib yuborgan edi.

Agar CAS ham "Manchester Siti" apellyatsiyasini rad etsa, u holda “shaharliklar”ning EChL yo‘llanmasi APLda 5-o‘rinni egallagan jamoaga beriladi. Ayni damda ushbu o‘rinda “Siti”ning hamshahari “Manchester Yunayted” ketmoqda.