"Манчестер Сити"нинг ёздаги биринчи трансфери маълум

"Манчестер Сити" ёзги трансфер режаларини тузмоқда. Журналист Санти Аунанинг хабар беришича, "шаҳарликлар" "Вест Хэм"дан Лукас Пакетани сотиб олмоқчи.

Манба берган хабарга кўра, "кўклар" Пақета билан шартнома шартларини (муддати ва маоши) келишиб олган. Бироқ ҳали лондонликлар билан музокара ўтказгани йўқ. Футболчининг агенти иккала жамоа ёзда трансфер шартларини муҳокама қилишни бошлашларини кутмоқда.

"Transfermarkt" портали 26 ёшли Бразилия терма жамоаси футболчисини 65 миллион еврога баҳоламоқда.