“Манчестер Юнайтед” арзон-гаровга футболчи харид қилмоқчи

"Уотфорд"нинг австриялик дарвозабони Даниэль Бахман "Манчестер Юнайтед" қизиқишлари доирасига тушди, деб хабар берди “Goal” нашри.

Манбага кўра, "Манчестер Юнайтед"нинг янги бош мураббийи Эрик тен Хаг бешта янги ўйинчи билан шартнома имзолашни режалаштирмоқда. Унинг “шорт-листи”дан Давид де Хеа учун муносиб ўринбосар бўладиган Бахман ҳам ўрин олган. Сабаби, "қизил иблислар"нинг ҳозирги иккинчи дарвозабони Дин Хендерсон "Ноттингем Форест" клубига ўтишга яқин турибди.

“Тransfermarkt” портали Даниэлнинг нархини 2,5 миллон еврога баҳолаган. "Манчестер Юнайтед" ва "Уотфорд" ўртасидаги келишув 5 миллион евро атрофида бўлиши кутилмоқда. 27 ёшли австриялик кипер ўтган мавсумда “Уотфорд” сафида 13 та ўйинда майдонга тушган.