“Манчестер Юнайтед” бешта тўпурарга “қармоқ” ташлади

“Манчестер Юнайтед”  бош мураббийи Эрик тен Хаг келаси мавсум ҳужум чизиғида етакчилик қилишга қодир марказий форвард қидирмоқда.

Айни пайтда клуб мутасаддилари “Тоттенхэм”дан кетишга тайёр турган Ҳарри Кейн трансфери билан шуғулланмоқда. Бироқ, “Тоттенхэм” хўжайини Даниэль Леви музокараларда кескин қарорлари билан ажралиб туради.

Манчестерликлар буни инобатга олган ҳолда захира варианти сифатида Европа футболида тўпурарлик маҳоратини кўрсатиб келаётган яна бешта ҳужумчини нишонга олди.

Sky Sports нвшрининг таъкидлашича, “Манчестер Юнайтед” вакиллари “Наполи”дан  Виктор Осимхен, “Бенфика”дан Гонсалу Рамуш, “Интер”дан  Лаутаро Мартинес, “Ювентус”дан Душан Влахович ҳамда “Аякс”дан  Муҳаммад Қудусни олишга тайёр.