"Манчестер Юнайтед" "Боруссия Дортмунд" вингерини нишонга олди

Англиянинг "Манчестер Юнайтед" клуби Дортмунднинг "Боруссия" клуби футболчиси Карим Адейемини сотиб олиши мумкин.

"Bild" нашри берган хабарларга қараганда, "арилар" германиялик футболчини жамоада олиб қолишга ҳаракат қилаётганига қарамай, Адейеми янги шартномага имзо чекишга шошилмаяпти. Таъкидланишича, клуб раҳбарияти  Каримнинг товон пули 80 миллион евродан кам бўлиши кераклиги бандини киритиш талабини қабул қилмаяпти. Шу сабабдан футболчи бошқа вариантларни кўриб чиқишни маъқул кўрмоқда. Унинг агенти Жорже Мендеш аллақачон "Манчестер Юнайтед" билан музокаралар ўтказган. Бироқ инглиз клубининг нияти қанчалик жиддий экани ҳали номаълумлигича қолмоқда.

Маълумот учун, 23 ёшли футболчи жорий мавсум барча турнирларда умумий 19 та учрашувда майдонга тушиб, 3 та гол ва 5 та ассистни ўз ҳисобига ёздириб қўйди.