"Манчестер Юнайтед" бу ҳужумчи учун курашга қўшилди

Германиянинг "Хоффенхайм" клубида тўп сураётган кот-д'Ивуарлик вингер Базуман Туре Англияга кўчиб ўтиши мумкин.

Africafoot нашри маълумотига кўра, 20 ёшли футболчига "Манчестер Юнайтед" қизиқиш билдирмоқда. Манкунианликлар ёш иқтидорни ўз сафига қўшиб олиш имкониятини кўриб чиқмоқда.

Аввалроқ матбуотда Турега "Ливерпуль" ҳам қизиқиш билдираётгани ҳақида хабарлар тарқалган эди.

Футболчининг амалдаги шартномаси 2029 йил ёзига қадар мўлжалланган. Transfermarkt портали унинг трансфер қийматини 40 миллион евро деб баҳоламоқда.

Ўтган мавсумда Туре "Хоффенхайм" сафида барча мусобақаларда 32 та учрашувда қатнашиб, 5 та гол ва 12 та голли узатма муаллифи бўлди.