“Манчестер Юнайтед” Эрик тен Хагни нега ишдан ҳайдамагани маълум бўлди

“Манчестер Юнайтед” раҳбарияти жамоа чемпионатда муваффақиятсиз иштирок этганига қарамай, бош мураббий Эрик тен Хагни ишдан бўшатмасликка қарор қилди.

Мутасаддиларнинг бундай қарорга келгани бежиз эмас.

Клуб раҳбарияти икки ҳафта давомида 54 ёшли мутахассиснинг фаолиятини таҳлил қилиб чиқди. Ана шу таҳлиллар натижасида Эрик тен Хаг ишини давом эттириши ва ижобий ўзгаришлар бўлиши кутилаётгани маълум бўлди.

“Манчестер Юнайтед” хўжайинлари ўрганиш жараёнида Эрик тен Хаг ва  унинг ўрнига даъвогар бўлган бир қатор мураббийлар билан  суҳбат ўтказди.

Вазият чуқур ўрганилиб, Эрик тен Хаг жамоани бошқаришда давом этиши керак, деган хулосага келинди.

Якуний қарорга жамоа Англия кубогини қўлга киритиб, Европа лигасига йўлланма олгани ҳам таъсир ўтказгани айтилмоқда.