"Манчестер Юнайтед" "Эвертон" ҳужумчисига қизиқиб қолди

"Эвертон" клуби форварди Ришарлисон "Манчестер Юнайтед"нинг қизиқишлар доирасига кириб қолди. Бу ҳақда The Telegraph нашри хабар тарқатмоқда.

Юқоридаги манбаага кўра “қизил иблислар” 21 ёшли бразилиялик иқтидор эгасини яқинлашиб келаётган ёзги трансферлар давридаёқ сотиб олишга уруниб кўришмоқчи. Қайд этиш лозимки, ушбу футболчи учун шунингдек “Милан” ва “Барселона” клублари ҳам даъвогарлик қилишмоқда. Унинг трансфери эса 45 млн еврога баҳоланмоқда.

Маълумот учун, Ришарлисон жорий мавсум “Эвертон” сафида жами 36та ўйинда майдонга тушди ва 14та гол ҳамда 2та голли узатмага муаллифлик қилди. Унинг “ирисчилар” билан амалдаги шартномаси 2023 йилга қадар имзоланган.