“Манчестер Юнайтед” футболчилари яқинлари ҳаётидан хавотирга тушяпти

“Манчестер Юнайтед” мавсумни ўта муваффақиятсиз бошлади ва унчалик кучли бўлмаган рақибларга имкониятни бой берди.

Учинчи турда манчестерликларни анча жиддий рақиб – “Ливерпуль” кутиб турибди. “Олд Траффорд” бўладиган бу баҳс давомида ашаддий мухлислар клубга эгалик қилувчи Глейзерлар оиласига қарши намойиш уюштирмоқчи.

The Telegraph нашрининг ёзишича, “Манчестер Юнайтед” футболчиларининг оила аъзолари шу куни стадионга келишни режалаштирган. Ўйинчилар жамоа натижасидан дарғазаб бўлаётган фанатлар уларнинг оиласидагилардан ўч олиши мумкинлигидан қўрқмоқда.

Айнан мана шу қўрқув сабаб футболчилар ўз яқинларига ўйин чиптасини тарқатишга шошилмаяпти.