"Манчестер Юнайтед" клуби ҳимоячиси Эрик Байи бу мавсум бошқа майдонга тушолмайдиган бўлди.

МЮ бош мураббийи Уле Гуннар Сульшернинг маълум қилишича 25 ёшли футболчи кеча “Челси”га (1:1) қарши бўлиб ўтган ўйинда тиззасидан жароҳат олган. Унинг қачон сафга қайтиши номаълум. Бу ҳақда бугун ўтказиладиган тиббий текширувлардан сўнг маълум бўлади.

Маълумот учун, Байи жорий мавсум МЮ сафида жами 18та ўйинда иштирок этди.