"Манчестер Юнайтед" ҳужум чизиғини қандай кучайтирмоқчи?

"Манчестер Юнайтед" ёзги трансфер ойнасида юқори савиядаги ҳужумчини сотиб олмоқчи.

ESPN хабарига кўра, манкунианликлар ёзда “тўққизлик” ҳужумчиларидан бири билан шартнома имзолаш ниятида. Уларнинг қизиқишлари орасида "Наполи" ҳужумчиси Виктор Осимхен ва "Зальцбург" футболчиси Бенжамин Сешко бор. Шунингдек, «Юнайтед» Харри Кейн “Тоттенхэм” билан шартномасини узайтирмасликка қарор қилса, у билан келишувга эришиши мумкин.

Ёзда бу позицияни мустаҳкамлаш клубнинг асосий вазифаси ҳисобланади. Бироқ, уларга қисқа муддатли вариант ҳам керак - шу сабабдан «Манчестер Юнайтед» Воут Вегорстни «Бёрнли»дан ижарага олмоқчи. Нидерландиялик футболчи шу ҳафтадаёқ «Юнайтед»га ўтиши мумкин.

Вегорст билан шартнома имзолаш МЮ учун бошқа марказий ҳужумчи сотиб олгунча вақтинчалик имкониятдир.