"Манчестер Юнайтед" ҳужумчиси "Наполи"га ўтиши мумкин

Жошуа Зиркзе "Манчестер Юнайтед"ни тарк этиши мумкин. Бу ҳақда "Todofichajes" нашри хабар бермоқда.

Манбанинг хабарига кўра, футболчи Италия чемпионатига қайтиши мумкин. 23 ёшли ҳужумчининг хизматларига "Наполи" қизиқиш билдирмоқда. Зиркзе нигериялик Виктор Осимхеннинг ўрнини эгаллайди. Осимхен йил охиригача "Галатасарой"да ижара асосида ўйнайди.

Маълумот учун, Зиркзенинг айни дамдаги нахи 42 миллион еврога баҳоланмоқда. Футболчининг "қизил иблислар" билан шартномаси 2029 йилнинг июнь ойи охирида якунига етади.