"Манчестер Юнайтед" ҳужумчиси "Шеффилд"га қарши ўйнамайди

"Манчестер Юнайтед" ҳужумчиси Эдинсон Кавани катта эҳтимол билан АПЛ доирасидаги "Шеффилд Юнайтед"га қарши ўйинни ўтказиб юборади. Бу ҳақда "қизил иблислар" бош мураббийи Оле-Гуннар Сульшер маълум қилди.

"Эдинсон сўнгги вақтларда жароҳатидан яхши тикланмоқда, бироқ биз унинг соғлиги борасида таваккал қилмоқчи эмасмиз. Уни майдонга туширишга ҳали эрта. Ўйлашимча, Кавани "Шеффилд"га қарши ўйнамайди", -деди Сульшер ўйин олдидан ўтказилган матбуот анжуманида.

Эслатиб ўтамиз, "Шеффилд Юнайтед" - МЮ учрашуви бугун тунда Тошкент вақти билан 01:00да старт олади.